Pål Bratås, ein av mine favorittspelmenn på durspel, gav våren 2016 ut sitt fyrste album. Eg bidrog som etterhåndsprodusent. Pål tørr å forme melodiane, variere, tolke, vri og formidle på ein strålande måte. Her har han ei utruleg god samling med gode runddansleikje frå Numedal og Gudbrandsdal.
Opptak frå Vågåkvelden under landsfestivalen i Vågå, 2012, er nå på youtube. Gullrekka, var vagværanes eigen konsert der publikum fekk høyre mange utøvere som har gjort det godt på festival og kappleik. Eg var så heldig å bidra i solospel, samen med Camilla Granlien(Gullrekka del 2: 19.35) og med Jutullaget(Gullrekka del 3: 24.06).
Link til Gullrekka del 1
Link til Gullrekka del 2
Link til Gullrekka del 3
Link til Gullrekka del 4
Folkemusikkbauta Tore Viken, frå Oppdal, hadde i staden for å feire 70-årsdagen sin, ønskje om at mange av hans folkemusikkvener skulle lage ein cd. Cd`n Spelemannsmøte kom ut i 2015. Eg fekk bidra i solospel og saman med Leif Inge Schjølberg.
Det flotte spelemannslaget Gudbrandsdølenes sin nye CD, Oslo, kom ut i 2015. Her læt dei bla leiken, Jutul`n og Blessomin, som eg har laga. Leiken vann dei landskappleiken på Otta med i 2012.
Eg gjennomførte to låtingar med Jutullaget i jula 2014 før mi pause starta, og eg må seia at det må væra positivt at det kjem så mykjy folk på runddansfest. I bowlingen i Vågå den 20.desember kom det 270 stk. I Lien i Lom 2.dag kom det nærare 200 stk. Flott at folk i alle aldere kan feste ilag, danse og ha det triveleg.
Under Dølajazz 2014, jubilerte Lillehammer Storband med stor konsert i Lillehammer kirke. De hadde folkemusikk som tema og hyra inn Camilla Granlien(vokal), Vegar Vårdal(fele/hardingfele) og meg(trekkspel/durspel). Storbandets meget dyktige arrangør Jan Andresen tok for seg eindel låtar som kvar av desse kom med, arrangerte og etter nokre intense øvingar på hausten så vart det litt av ein sound. Kirka var stappafull denne fine laurdagen og opplevinga av å stå der med alle desse musikarane var stor.
I tillegg til å bidra på Camilla sine viser så vart mine komposisjonar: Ada`s voggesang og Jutul`n og blessomin spelt i fullt orkester, samt så spela eg og Vegar hallingen Måsåbakkjin og eg spelte ein lyarslått solo.
09.04.15: OsloFOLK sitt konsept Dansekonsert har vorte ein populær gjengangar på Riksscenen, og nummer to denne våren reiknar me med at ikkje vert noko unntak frå den regelen. Som vanleg inviterer OsloFOLK musikarar me tykkjer er av dei aller best til å spela til dans, og legg vekt på variasjon i programmet, både i dansetype og instrumentering. I den andre runden av dansekonsertar denne våren slepp me til Valkyrien Allstars eigen Erik Sollid på hardingfele, eksilgausdøla Nina Fjeldet på fele og Liverpoolsupporter Inge Gjevre på torader, eit lag som garantert byr på både kvalitet og variasjon frå fleire tradisjonsområde! Dans og lytt deg gjennom bygdedansar og runddansar frå tre av landets beste utøvarar på instrumenta sine. Kvelden er akustisk, og det er godt rom for både dansing, lytting, sansing, nyting og sosialisering. Velkomne til ein god, gamaldags dansekveld - få på deg dansesko og finn vegen til Riksscenen!
Erik Sollid - hardingfele
Nina Fjeldet - fele
Inge Gjevre - torader
http://www.riksscenen.no/erik-sollid-nina-fjeldet-inge-gjevre.5640489-322117.html
